یاریگا –
جود بێڵینگهام، ئەستێرەی ئینگلیزی یانەی ریال مەدریدی ئیسپانی ئاشكرایكرد لاسایی جوڵەیەكی لۆكا مۆدریچی كردەوە لە كاتی درووستكردنی گۆڵی یەكەم.
شەوی رابردوو جیڕۆنا لە یاریگای مۆنتیلیڤی میوانداری ریال مەدریدی كرد و یارییەكەش بە ئەنجامی سێ گۆڵی بێ وەڵام لە بەرژەوەندی یانەی میوان كۆتایی هات، لە میانی یارییەكانی هەفتەی هەشتەمی لالیگای ئیسپانیا.
🏁 FP: @GironaFC 0-3 @realmadrid
⚽ @JoseluMato9 17', @atchouameni 21', @BellinghamJude 71'#GironaRealMadrid | #Emirates pic.twitter.com/TkmpZtMbJW— Real Madrid C.F. (@realmadrid) September 30, 2023
لە خولەكی 15ی یارییەكەدا بێڵینگهام پاسێك لەسەر شێوازی مۆدریچ بە خۆسێلو دەدات و دەبێتە گۆڵی یەكەمی مەدرید.
لە دوای یارییەكە بێڵینگهام باسی پاسەكە دەكات و ووتی: بەدرێژایی ئەم مانگە سەیری لۆکا مۆدریچم کردووە، گۆڵێکی نایاب بوو و لە سەرەتای یارییەکەدا فشارەکانی لەسەر ئێمە کەمکردەوە.
UNREAL assist by Jude Bellingham to Joselu 😨🎯 pic.twitter.com/1mlVSxZ23E
— ESPN FC (@ESPNFC) September 30, 2023
دەربارەی دەستپێكی وەرزەكەیان ووتی: سەرەتایەكی نایاب بۆ وەرزەكەمان، هەمیشە ناتوانم گۆڵ بكەم و گۆڵ درووست بكەم، بەڵام هەوڵدەدەم باشترینی خۆم پێشكەش بكەم، هەرجارێك ئەم درێسە دەپۆشم بە تەواوی توانای خۆمەوە یاری دەكەم.
سەبارەت بە شێوازی ئاهەنگگێڕانەكەی ووتی: نازانم بۆ یەكەمجار لە كوێ ئەوەم كردووە، پێم وابێ لە بێرمینگهام بوو، ئێستاش منداڵانی قوتابخانەكان دوەبارەی دەكەنەوە و ئیلهامیان لێ وەرگرتووە.
لە هەشت یاری سەرەتایی خۆیدا لە لالیگا بێڵینگهام توانیویەتی شەش گۆڵ بكات و دوو گۆڵیش درووست بكات و لە پێشەنگی گۆڵكارانی خولەكە دێت.
