بۆچی گواستنەوەی ڤلاهۆڤیچ بۆ چێڵسی سەرکەوتوو نەبوو؟
یاریگا –
کریستیانۆ جیۆنتۆلی، بەرێوبەری هونەری یانەی یوڤێنتوس، هەوڵێکی یانەی چێڵسی بۆ گواستنەوەی ڤلاهۆڤیچ ئاشکراکرد.
جیۆنتۆلی لە نوێترین لێدوانیدا، کە فابریزیۆ رۆمانۆ بڵاویکردووەتەوە، رایگەیاند؛ بۆ گواستنوەی دوسان ڤلاهۆڤیچ، یانەی چێڵسی لە مێرکاتۆی هاوینە ئۆفەرێکیان پێشکەش کردوون، بەڵام ئۆفەرەکە گەورە نەبووە بۆیە رەتیانکردووەتەوە.
بەڕێوبەرەکەی یوڤێ ئاماژەی بەوەیشکردووە، ئەگەر ئۆفەرێکی شیاویان پێشکەش بکرایە، دەستبەرداری ڤلاهۆڤیچ دەبوون، بەڵام چێڵسی ئۆفەرەکەی بەرزنەکردەوە، بۆیە گواستنەوەکە سەرکەوتوو نەبوو.
🚨 🔵 Juventus director Giuntoli: “We received formal proposal from Chelsea for Dušan Vlahović… but it was not big enough”.
“We were ready to accept in case of an important proposal, but Chelsea never raised the offer and the swap deal idea with Lukaku included collapsed”. pic.twitter.com/O4Z6kvYr8m
— Fabrizio Romano (@FabrizioRomano) September 30, 2023
هەر بەپێی قسەکانی کریستیانۆ، بیرۆکەی ئەوە هەبوو ڤلاهۆڤیچ لەگەڵ رۆمێلو لوکاکۆ ئاڵوگۆڕ بکەن، بەڵام ئەو بیرۆکەیەیش گرفتی بۆ درووست بوو، لە کۆتاییدا شکستیهێنا.
ڤلاهۆڤیچ لە هاوینی 2022، بە بڕی 81.60 ملیۆن یۆرۆ لە فیۆرێنتیناوە گواسترایەوە بۆ یوڤێنتوس، بە درێسی خانمە پیرەکە لە سەرجەم پاڵەوانێتییەکان 69 یاری کردووە، 27 گۆڵی کردووە و 7 گۆڵیشی درووستکردووە.
