لە بۆندسلیگا داوای سانچۆ دەکرێت

یاریگا –

بۆڕووسیا دۆرتموند چاوی بڕیوەتە جەیدن سانچۆ، یاریزانی مانچێستەر یونایتد.

رۆژنامەی زە سەن بڵاویکردووەتەوە، دۆرتموند دەیەوێت لە بازاڕی گواستنەوەی زستانەی داهاتوودا، بە خواستن سانچۆ بگوازێتەوە، ئەمەش دوای زیادبوونی گرژییەکانی نێوان یاریزانەکە و ئێریک تێن هاخ، راهێنەری مان یونایتد.

لە هەفتەی رابردوودا، کێشەکان لە نێوان سانچۆ و تێن هاخ دەستیانپێکرد، ئەمەش دوای دوورخستنەوەی یاریزانە ئینگلیزییەکە لە لیستی یاریزانانی یارییەکەی بەرامبە رمانچێستەر یونایتد.

تێن هاخ هۆکارەکەی بۆ دابەزینی ئاستی سانچۆ لە مەشقەکان گەڕاندەوە، چەند کاتژمێرێک دوای قسەکانی تێن هاخ، سانچۆ بەیاننامەیەکی کورتی بڵاوکردەوە و تەواوی قسەکانی راهێنەرە هۆڵەندییەکەی رەتکردەوە.

لە دوای تەواوبوونی ماوەی یارییەکانی نێودەوڵەتی، مانچێستەر یونایتد لە پرێمەرلیگ بەرامبەر برایتن یاری دەکات.