ئانچێلۆتی داهاتووی خۆی لەگەڵ ریال مەدرید یەکلایی دەکاتەوە
یاریگا
دەنگۆیەکی بەهێز هەیە هاوینی داهاتوو کارلۆ ئانچێلۆتی واز لە راهێنەرایەتی ریال مەدرید بێنێت و پاشان ببێتە راهێنەری هەڵبژاردەی بەڕازیل.
لەلایەکی دیکەوە دەنگۆیەکیش بڵاوبووەتەوە راهێنەرە ئیتاڵیەکە نوێکردنەوەی گرێبەستەکەی لەگەڵ یانەی ڕیال مەدرید پێ باشترە لەوەی ببێتە ڕاهێنەری هەڵبژاردەی بەڕازیل.
گرێبەستەکەی کارلۆ ئانچیلۆتی لەگەڵ ریاڵ مەدرید لە هاوینی 2024 کۆتایی دێت. ڕاهێنەرە ئیتاڵیەکە لە ویلایەتی دووەمی لەگەڵ مێرنگی سەرجەم نازناوەکانی بەدەستهێناوە و لەم وەرزەشدا بەدوای دووبارەکردنەوەی ئەو شەرەفانەدایە.
ماڵپەری Relevo بڵاویکردەوە، ئەم وەرزە بە وەرزێکی تایبەت دادەنرێت بۆ کارلێتۆ، ئەو دەزانێت کە دوا ساڵی ژیانی لە مەدرید بەسەر دەبات، بەڵام ئەگەر پێشنیاری نوێکردنەوەی گرێبەستەکەی لەلایەن یانە شاهانەکە پێشکەشی بکرێت، ئەوا بە خۆشحاڵییەوە قبوڵ دەکات، ئامانجی ئەنچیلۆتی مانەوەیە لە ڕیاڵ مەدریدە و ئەویش لە هەموو شتێکی تر پێ باشترە.
