سەرۆکی یانەی فولهام کۆچی دوایی کرد
یاریگا –
یانەی فولهام کۆچی دوایی خاوەنی پێشووی یانەکەی، محەممەد فایدی پشتڕاست کردەوە، شایانی باسە یانە لەندەنییەکە لەکاتی خاوەندارییەتی فاید سەرکەوتنی بۆ پریمەرلیگ بەدەست هێنا.
یانەی فولهامی ئینگلیزی لە بەیاننامەیەکدا رایگەیاند، محەمەد فاید خاوەنی پێشووی یانەکەیان و فرۆشگای بەناوبانگی هارۆدز لە بەریتانیا لە تەمەنی 94 ساڵیدا کۆچی دوایی کرد. شەهید خان کە ئێستا جێنشینی فایدە و بووە بە خاوەنی یانە لەندەنییەکە دەڵێت: بەناوی هەموو لایەک لە فولهام پرسەو سەرەخۆشی و دڵسۆزی خۆم ئاراستەی بنەماڵە و دۆستانی محەممەد فاید دەکەم.
Everyone at Fulham was incredibly saddened to learn of the death of our former Owner and Chairman, Mohamed Al Fayed.
We owe Mohamed a debt of gratitude for what he did for our Club, and our thoughts now are with his family and friends at this sombre time.
— Fulham Football Club (@FulhamFC) September 1, 2023
لە سەردەمی فایید، فولهام سەرکەوتنی بۆ خولی نایابی ئینگلیزی بەدەستهێنا و گەیشتە یاری کۆتایی یۆرۆپالیگ، دوای 16 ساڵ، فاید لە ساڵی 2013 یانەکەی بە خان فرۆشت. لە بەیاننامەیەکدا ئەندامانی خێزانەکەیان داوا دەکەن لەم کاتەدا رێز لە بەها تایبەتمەندییەکانیان بگیرێت.
کۆچکردوو خاوەنی فرۆشگاکانی هارۆدز و هۆتێلی رێتز پاریس و هەروەها سەرۆکی پێشووی یانەی فولهام بوو، لە هەمان کاتدا دامەزراوەیەکی خێرخوازی هەبوو کە یارمەتی منداڵە کەمدەرامەتەکانی لە بەریتانیا و تایلەند و مەنگۆلیا دەکرد.
