ئینگلتەرا
بەرگریکارەکەی ئارسیناڵ بارودۆخی باش نیە
یاریگا
دوای کریستوفر نکونکۆ هێرشبەری فەرەنسی یانەی چێڵسی، پێکانێکی دیکەی سەخت چاوەڕێ یاریزانێکی پرێمەرلیگ دەکات.
رۆژنامەی تەلەگرافی هۆڵەندی بڵاویکردەوە، یورین تێمبەر بەرگریکاری یانەی ئارسێناڵ لە یاریی یەکەمی یانەکەی بەرامبەر نۆتینگهام تووشی پێکانێکی قورس بووە و چاوەڕێ دەکرێت ئەو یاریزانە ماوەیەکی زۆر لە یاریگاکان دوور بکەوێتەوە.
سەرچاوەکە بڵاویشی کردووەتەوە پشکنینە سەرەتاییەکان دەریانخستووە پێکانی بەرگریکارەکەی هەڵبژاردەی وڵاتەکەیان لە ئەژنۆیدایە و چەندین مانگ لە یاریگاکان دادەبڕێت.
پشکنینە سەرەتاییەکانی تیمبەر دەریدەخەن کە ئەم یاریزانە بە سەختی لە ئەژنۆ و بەستەرەکانی خاچداردا تووشی پێکان بووە، دوای یەکلایی بونەوەی پشکنینەکانیش ئارسێناڵ وادەی تەواوەتی دوورکەوتنەوەی ئاشکرا دەکات.
