شەڕە لە مەدرید لەسەر رێککەوتنی پەخشی یارییەکان
یاریگا-یانەی ریاڵ مەدرید رووبەرووی سزای لالیگا دەبێتەوە بەهۆی بەجێنەگەیاندنی چەند یاسایەکی تازەی پەخشی راستەوخۆی یارییەکان.
لالیگا چەند مەرجێکی تازەی سەپاندووە بەسەر یانەکاندا وەکو بەشێک لە پاکێجی مافی پەخشی یارییەکان. تێیدا یاریزانان دەبێت لە پشووی نیوەی یارییەکەدا هەرلەنێو یاریگا لێدوانی کورت بۆ میدیاکان بدەن، بەهەمان شێوە بۆ راهێنەر و هەروەها دوای یارییەکە بەڵام مەدرید لە یەکەم یاریدا لە سان مامێز هیچ کامێک لەمانەی ئەنجامدا.
بەگوێرەی موندۆ دیپۆرتیڤۆ، ریاڵ مەدری دژی ئەم یاسا تازانەیە و بۆ ئەوەش سکاڵای دژی لالیگا گەیاندووەتە دادگا. خۆزێ ئەنخل سانچێزی بەڕێوبەریش بە موندۆی راگەیاندووە یانەکە لەم هەڵوێستەی بەردەوام دەبێت.
لالیگا چەند هەڵمەتێکی تازەی راگەیاندووە بۆ بەرزکردنەوەی داهاتی خولەکە، لە نێویاندا گرێبەست لەگەڵ ئی ئەی سپۆرت و گۆڕانکاری لە بڕاندی خولەکە و شێوازی بەڕێوەچوونی یارییەکان. بەشێک لە گۆڕانکارییەکانیش پێویستی بە هەماهەنگی یانەکانە.
