هیلال جواو فێلیكسی دەوێت
یاریگا –
یانەی هیلالی سعودی نزیكە لە بەدەستهێنانی تواناكانی جواو فێلیكسی پۆرتوگالی و ئەستێرەی یانەی ئاتلێتیكۆ مەدریدی ئیسپانی، لە ماوەی گواستنەوەكانی هاوینەدا.
هیلال هەوڵی بەدەستهێنانی تواناكانی ئەستێرەیەك لە هێڵی هێرشبەری دەدات، دوای ئەوەی سەركەوتوو نەبوو لە بەدەستهێنانی لیۆنێل مێسی و كیلیان ئێمباپێ.
بەپێی زانیاریەكانی رۆژنامەی ریازیە هیلال لە بەدەستهێنانی واژۆی جواو فێلیكس لە ئاتلێتیكۆ مەدرید نزیكدەبێتەوە، دوای ئەوەی یاریزانەكە بەتەواوی لە پلانەكانی دیێگۆ سیمیۆنی و رۆخی بلانكۆس چووەتە دەرەوە.
رۆژنامەكە ئەوەشی ئاشكرا كردووە، هیلال گڵۆپی سەوزی وەرگرتووە لەلایەن خۆرخی مێندێز بریكاری كارەكانی یاریزانەكەوە.
بەپێی زانیاریەكانی هەمان سەرچاوە، دوای بەدەستهێنانی واژۆی جواو فێلیكس، هیلال ناوەسێت و هەوڵی بەدەستهێنانی تواناكانی ڤیكتۆر ئۆسیمین ئەستێرەی یانەی ناپۆلی ئیتاڵی دەدات، ئەگەر سەركەوتوو نەبوو لە گواستنەوەی ئەوا ئەلیكساندەر میترۆڤیچ هێرشبەری سڕبی یانەی فولهام دەگوازێتەوە.
صيف #الهلال.. #فيلكس.. ظهير.. ومهاجم
#خبر_الليلةhttps://t.co/yBfjiEMFD3
— صحيفة الرياضية (@ariyadhiah) August 6, 2023
گرێبەستەكانی هیلال لە بازاڕی گواستنەوەی 2023:
هیلال لە گواستنەوەكانی هاوینەدا هەریەك لە رۆبن نێڤێش، میلینكۆڤیچ ساڤیچ، كالیدۆ كۆلیبالی، مالكۆم سێلڤا و خۆرخی خیسۆسی راهێنەری گواستووەتەوە ریزەكانی.
