ئه‌مریکا
کەمتر لە 30 خولەک سەرجەم بلیتەکانی یاری داهاتووی ئینتەر مەیامی فرۆشران
یاریگا
بڕیارە شەممەی داهاتوو یانەی ئینتەر مەیامی لە یاریی قۆناغی 16 جامی باکوور و ناوەڕاستی ئەمریکا رووبەڕووی یانەی ئێف سی دالاس ببێتەوە
ماڵپەری یاهۆ سپۆرت بڵاویکردەوە، ئەمڕۆ پێنج شەممە لە ماوەی کەمتر لە 30 خولەک سەرجەم بلیتی یارییەکانی یاری داهاتووی ئینتەر مەیامی کە لیۆنێل مێسی سەرکردایەتی ئەو یانەیە دەکات فرۆشران.
سەرچاوەکە بڵاویکردەوە نزمترین نرخی بلیتی یاری نێوان دالاس و ئینتەر مەیامی 600 دۆلار بووە و گرانبەهاترینیشی 20000 دۆلار بووە.
یارییەکەی بەرامبەر داڵاس یەکەم یاری لیۆ مێسی دەبێت لە دەرەوەی یاریگای خۆیان. یاریگای دالاس دەکەوێتە شاری فریکسان، شوێنی 20500 هاندەر دەگرێت.
لیۆنێل مێسی لەوەتەی پەیوەندی بە ئینتەر مەیامی کردووە لە کۆی سێ یاری لەگەڵ ئەو یانەیە 5 گۆڵ و 1 پاسی گۆڵی تۆمار کردووە.
