یاریگا –
كیلیان ئێمباپێ، ئەستێرەی هەڵبژاردەی فەڕەنسا و یانەی پاریس سان جێرمانی فەڕەنسی ریكۆردێكی دیكەی یانەكەی كرد بە ناوی خۆیەوە.
شەوی رابردوو پاریس سان جێرمان لە یاریگای خۆیدا میوانداری لانسی كرد و یاریەكەشی بە ئەنجامی سێ گۆڵ بەرامبەر گۆڵێك لێ بردەوە، لە میانی یارییەكانی هەفتەی 31ی خولی فەڕەنسیدا.
گۆڵەكانی پاریس لەلایەن كیلیان ئێمباپێ لە خولەكی 31 و ڤیتینیا لە خولەكی 37 و لیۆنێل مێسی لە خولەكی 40 تۆمار كران و تاكە گۆڵەكەی لانس لەلایەن فرانكۆڤسكی لە خولەكی 60 تۆمار كرا.
بە كردنی ئەو گۆڵە ئێمباپێ كۆی ژمارەی گۆڵەكانی لە خولی فەڕەنسیدا لەگەڵ پاریس سان جێرمان بۆ 139 گۆڵ بەرزكردەوە و ژمارەكەی ئیدینسۆن كاڤانی شكاند كە خاوەنی 138 گۆڵ بوو، هەروەها لە پلەی سێیەم زلاتان ئیبراهیمۆڤیچ دێت بە 113 گۆڵ.
Kylian Mbappé is now PSG’s all-time leading scorer in Ligue 1 history (139) 👑 pic.twitter.com/xUMozuC3d1
— B/R Football (@brfootball) April 15, 2023
هەروەها كیلیان یەكەم یاریزانە لە خولی فەڕەنسیدا بتوانێت 4 وەرز لە دوای یەك 20 گۆڵ یان زیاتر تۆمار بكات لە دوای پاولێتا كە لە ساڵەكانی 2000-2006 تۆماریكردووە.
ئێمباپێ لەم وەرزەی خولی فەڕەنسیدا لە 27 یاری توانیویەتی 20 گۆڵ بكات و 4 گۆڵیش درووست بكات.
