یاریگا-
یانەی بارسێلۆنای ئیسپانی بەشێوەیەكی فەرمی پێكانی جولیس كۆندی و ڕۆناڵدۆ ئاراوخۆ بەرگریكارانی یانەكەی ڕاگەیاند.
كۆندی لە یاری هەڵبژاردەكەی بەرامبەر نەمسا لە پاڵەوانیەتی نەیشن لیگ و ئاراوخۆ لە یاری هەڵبژاردەكەی بەرامبەر ئێران لە یاری دۆستانەدا تووشی پێكان هاتن.
بارسێلۆنا لە بەیاننامەیەكی فەڕمیدا ڕایگەیاند دوای ئەنجامدانی پشكنینە پزیشكیەكان دەركەوت كۆندی لە ماسولكەكانی ڕانی چەپیدا تووشی پێكان بووە و ئاراوخۆ لە ڕانی ڕاستیدا تووشی پێكان بووە و ماوەی گەڕانەوەیان پەیوەستە بە باشبونەوەیانەوە.
ڕۆژنامەی مۆندۆ ئاشكرایكرد كە چاوەڕوان دەكرێت هەردوو بەرگریكارەكەی بلاوگرانا مانگێك لە یاریگاكان دووبكەونەوە.
