یاریگا-
كەریم بێنزیمای فەڕەنسی و ئەستێرەی یانەی ڕیاڵ مەدریدی ئیسپانی ژمارەكەی ڕائول گۆنزالیزی ئیسپانی و ئەستێرەی پێشووی یانە شاهانەكەی تێپەڕاند.
هەردوو یانەی ڕیاڵ مەدرید و ئینتراخت فرانكفۆرت لە یاری سوپەری ئەوروپادا ڕووبەڕووی یەك بوونەوە و یانە شاهانەكە بە دوو گۆڵی بێ وەڵام یاریەكەی لێ بردەوە.
گۆڵەكانی ڕیاڵ لەلایەن داڤید ئالابا لە خولەكی 37 و كەریم بێنزیما لە خولەكی 65 تۆمار كران.
بەپێی ماڵپەڕی ئۆپتا كە تایبەتە بە ژمارە و ئامارەكان بە تۆماركردنی ئەو گۆڵە بێنزیما كۆی گۆڵەكانی لەگەڵ ڕیاڵ مەدرید گەیاندە 324 گۆڵ و پێش ڕائول گۆنزالیز كەوت و بوو بە دووەم گۆڵكاری مێژووی یانە شاهانەكە.
كریستیانۆ لە پلەی یەكەمدایە بە تۆماركردنی 450 گۆڵ و بێنزیما لە پلەی دووەم دێت.
