یانەیەكی توركی مارسێلۆی دەوێت

یاریگا-

یانەی فەنەربەخچەی توركی دەیەوێت مارسێلۆی بەڕازیلی بگوازێتەوە ڕیزەكانی دوای ڕۆشتنی لە یانەی ڕیاڵ مەدرید.

دوای تەواو بوونی گرێبەستەكەی لەگەڵ یانە شاهانەكە و دوای 15 ساڵ بە شێوەیەكی فەرمی مارسێلۆ ڕیزەكانی یانەكەی جێهێشت.

بەپێی زانیاریەكانی ڕۆژنامەی ئاس یانەی فەنەربەخچە دەیەوێت لە هاوینی ئەمساڵدا بە گرێبەستێكی ئازاد یاریزانە بەڕازیلیەكە بگوازێتەوە ڕیزەكانی.

هەروەها هەمان سەرچاوە ئەوەشی ئاشكرا كردووە كە یانە توركیەكە ئامادەیە چوار ملیۆن یۆرۆ سالانە وەك موچە بدات بە یاریزانەكە.