وادەی ڕاگەیاندنی گرێبەستی مانێ لەگەڵ بایرن

یاریگا-

ڕاپۆرتە ڕۆژنامەوانیەكانی ئینگلتەرا وادەی ڕاگەیاندنی گرێبەستی سادیۆ مانێی سەنیگالی و ئەستێرەی یانەی لیڤەرپولی ئینگلیزی لەگەڵ بایرن میونشن ئاشكرا كرد.

بەپێی زانیاریەكانی ڕۆژنامەی دەیلی مەیلی ئینگلیزی مانێ ئەمڕۆ سێشەممە سەفەری ئەڵمانیا دەكات بۆ ئەنجامدانی پشكنینە پزیشكیەكان لەگەڵ بایرن.

دواتر بە شێوەیەكی فەرمی گرێبەستەكەی مانێ لەگەڵ بایرن ڕادەگەیەندرێت و ڕۆژی چوارشەممە پێشكەشی دەزگاكانی ڕاگەیاندن دەكرێت.

مانێ بە بڕی 35 ملیۆن پاوەند پەیوەندی بە ڕیزەكانی یانە ئەڵمانیەكەوە دەكات.