“ لێڤاندۆڤسکی گرێبەستەکەی لەگەڵ یانەکەمان نوێدەکاتەوە “

یاریگا–
یانەی بارسێلۆنا بەردەوامە لەسەر هەوڵەکانی بۆ گواستنەوەی رۆبێرت لێڤاندۆڤسکی گۆڵکاری یانەی بایرن میونشنی ئەڵمانی.

ئۆلی هۆینس سەرۆکی فەخری یانە ئەڵمانیەکە لە دیمانەیەکدا لەگەڵ کەناڵی RTL دەڵێت “ نازانم بەرپرسانی بارسێلۆنا چۆن دەیانەوێت بە پارەیەکی زۆر هێرشبەرەکەمان بگوازنەوە، لە کاتێکدا ئەو یانەیە ماوەیەک پێش ئێستا 1.3 ملیار یۆرۆ قەرزار بوون “.

هۆینس لە بەشێکی دیکەی قسەکانیدا دەڵێت “ لیڤا ئەگەر لەگەڵ خانەوادەکەی لە ئەڵمانیا دڵخۆش بێت و، ئاستێکی باش لەگەڵ یانەکەمان پێشکەش بکات، ئەو کات ئێمەش گرێبەستەکەی بۆ ماوەیە دوو یان سێ وەرز نوێدەکەینەوە “.