مەشقەکانی ئێریکسن لەگەڵ برێنتفۆرد دەست پێدەکات

یاریگا-ئەمڕۆ کریستیان ئێریکسن بەفەرمی پەیوەندی بە  ناوەندی مەشقەکانی برێنتفۆردەوە کرد.

وابڕیارە دوای چاوپێکەوتن و یەکترناسین لەگەڵ ستاف و یاریزانانی یانەکەدا، ناوبراو بەمزووانە دەست بە مەشقکردن بکات و رەنگە لە هەفتەی داهاتووەوە بۆ یاریکردن ئامادەبێت.

ئەستێرە بە ئەزموونەکە لە گواستنەوەی زستانەدا روویکردە ئەو یانەیە پاش جێهێشتنی ئینتەر بەهۆی ئەو رووداوەی لە یۆرۆی پارساڵ بەسەری هات.