یاریگا-
ئەمڕۆ ساڵڕۆژی لەدایك بوونی كریستیانۆ ڕۆناڵدۆی پورتوگالی و یەكێك لە ئەفسانەكانی تۆپی پێیە تەمەنی دەبێتە 37 ساڵ.
لەم بابەتەدا بەشێك لە لێدوانە مێژوویەكانی كەسایەتیە وەرزشیەكانمان بۆ ئامادەكردوون سەبارەت بە باشترین گۆڵكاری گۆی زەوی.
”كریستیانۆ ڕۆناڵدۆ میراتی تۆپی پێیە ، كێ تۆپی خۆشبوێت دەبێت كریستیانۆشی خۆشبوێت ”
– دیگۆ ئەرماندۆ ماڕادۆنا
” هیوادارم كە بگەڕێمەوە بۆ یاریكردن ، كریستیانۆ ڕۆناڵدۆ لە هێڵی پێشەوە لەگەڵم بێت ”
– پێلێ
” كریستیانۆ ڕۆناڵدۆ باشترین یاریزانی مێژووە ”
– زەینەدین زێدان
” ئامادەبوونی كریستیانۆ لە یاریگادا مانای ئەوەیە یاریەكە 1-0 بۆ ڕیاڵ مەدرید دەست پێدەكات ”
– كارلۆ ئەنچیلۆتی
” ڕاستە میسی باشترینە ، بەڵام كریستیانۆ لە باشترین باشترە ”
– كاكا
” هیوادارم بووم كریستیانۆ ڕۆناڵدۆ ئەرجەنتینی بێت ، هەموو تۆپێك دەگەشتە قاچی دەیكرد بە گۆڵ ”
– ماڕادۆنا
” هەندێك شت هەیە كە كریستیانۆ دەیكات وام لێدەكات دەست بە سەرمەوە بگرم و بڵێم ئەوە چ موعجیزەیەكی ئەنجام دا ”.
– لویس فیگۆ
” هیچ كەس ناتوانێت ڕایبگرێت تەنها كاتێك دەتوانیت كە پێكانی هەبێت ”
– ئەلیساندرۆ نێستا
” كریستیانۆ باشترین یاریزانە ڕاهێنانم پێكردبێت ، ئەو لە دەرەوەی ئەم هەسارەیە ، هیچ كەس هاوشێوەی ئەو نیە ”
– سێر ئەلێكس فێرگسۆن
” كریستیانۆ باشترینە ، ئەو پێی دەوتین تۆپەكە بخەنە هەرشوێنێكی یاریگاكە و ئەوی دیكە بۆ من لێگەڕێن ”
– سێرجیۆ ڕامۆس
” بە ڕای من زۆر دادپەروەرانەیە كە كریستیانۆ پێنج تۆپی ئاڵتونی بەدەستهێناوە ”
– ئینێستا
” زۆر بە ڕاشكاوی من هەرگیز یاریزانێكم نەبینیوە وەرز لە دوای وەرز باشتر بێت هاوشێوەی كریستیانۆ ڕۆناڵدۆ ، ئەو بە شێوەیەكی باوەڕپێنەكرا یاریزانێكی تەواوە لە هەموو ڕوویەكەوە ”
– ستیڤن جیرارد
” ئەگەر لەگەڵ كریستیانۆ لە یەك یانە یاریم بكردایە دەبووم بە باشترین و زۆرترین ئەسیستكار لە مێژووی تۆپی پێدا”
– ئەندریا پێرلۆ
” ئەگەر كریستیانۆ ڕۆناڵدۆ لە خراپترین وەرزیدا 50 گۆڵ تۆمار بكات و چامپیۆنسلیگ بباتەوە ئەوا من نامەوێت باشترین وەرزەكانی ببینم ”
– داڤید بێكهام
” كریستیانۆ ڕۆناڵدۆ باشترین یاریزانی مێژووە ، ئەو نەك تەنها یاریزانێكی باش بەڵكو كەسایەتیەكی زۆر باشیشی هەیە ”
– حەبیب نۆرماگۆمیدۆڤ
” كریستیانۆ ڕۆناڵدۆ باشترین یاریزانە یاریم لەگەڵ كردبێت و ئەو هەموو ساڵێك شایستەی باڵۆندۆرە ”
– مەسعود ئۆزێل
” كریستیانۆ نایابە ئەو باشترینە ، ئەو ئامێری گۆڵ تۆماركردنە باوەڕپێنەكراوە هەرگیز كریستیانۆیەكی دیكە درووست نابێتەوە ”
– جۆزێ مۆرینهۆ
زۆر کەس دەزانن کریستیانۆ باشترینە، بەڵام دەترسن ئەوە بڵێن
– دیدیە درۆگبا
