یاریگا-
پێر ئیمیریك ئۆبامیانگی گابۆنی و هێرشبەری یانەی ئەرسیناڵی ئینگلیزی لە یانەیەكی ئیسپانی نزیك دەبێتەوە.
یانەی بارسێلۆنای ئیسپانی لە گواستنەوەی ئۆبامیانگ بۆ ڕیزەكانی نزیك دەبێتەوە بە شێوەی خواستن و تا كۆتایی وەرز.
زۆربەی ڕۆژنامەكان ئەوەیان ئاشكرا كرد كە بارسێلۆنا ئامانجەكەی لە ئەلڤارۆ مۆراتاوە گۆڕیوە بۆ ئۆبامیانگ.
ڕۆژنامەی سپۆرتی ئیسپانی ئاشكرایكرد بارسێلۆنا گەشتووەتە قۆناغەكانی پێشەوە بۆ گواستنەوەی هێرشبەرە گابۆنیەكە بۆ یانەكەی بە شێوەی خواستن و تا كۆتایی وەرز.
لەم وەرزەدا ئۆبامیانگ بە درێسی ئەرسیناڵەوە 14 یاری لە پریمەرلیگ ئەنجامداوە و 12 یاری سەرەكی بووە و چوار گۆڵی تۆمار كردووە.
