یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد یانەی بارسێلۆنای ئیسپانی ڕەزامەندی نیشانداوە لەسەر قبوڵكردنی ئۆفەری سپۆتیفای لەلایەن كۆمپانیای ڤیجان نیشنەوە بۆ سپۆنسەری كردنی درێسەكانی یانەكە و یاریگای كامپ نۆو.
ڕۆژنامەی سپۆرت ئاشكرایكرد كە بارسێلۆنا گرانترین ئۆفەری سپۆنسەریكردنی پێشكەشكراوە بۆ سپۆنسەریكردنی درێسەكانی یانەكە و یاریگای كامپ نۆو بە بڕی 80 ملیۆن یۆرۆ.
هەروەها ڕادیۆ كەتەلۆنیا ئاشكرایكرد بارسا بە تەواوی ئەندامەكانیەوە بە ئۆفەرەكە ڕازی بوون و لە ماوەی داهاتوودا ڕادەگەیەندرێت.
هەمان سەرچاوە ڕایگەیاندووە كە ئەو ئۆفەرەی پێشكەشی بارسێلۆنا كراوە گەورەترین ئۆفەرە لە مێژوودا كە بڕەكەی 80 ملیۆنە لەگەڵ گۆڕانكاری دیكەدا.
