ئینگلتەرابازاڕی گواستنه‌وه‌گرنگترین
فەرمی: رانگنیک بووە راهێنەری نوێی مانچێستەریونایتد
یاریگا٠ئەمڕۆ بەفەرمی راڵف رانگنیک بووە راهێنەری نوێی مانچێستەریونایتد.
ناوبراو لەلایەن لۆکۆمۆتیڤ مۆسکۆوە رێگەی پێدرا ئەرکەکەی جێبهێڵێت کە لە پۆستی بەڕێوبەری وەرزشی ئەو یانەیەدابوو. رێککەوتنی راهێنەرە ئەڵمانییەکە و شەیتانە سوورەکان بەو شێوەیە کە سەرەتا باسی لێوەدەکرا. ناوبراو بەشێوەیەکی کاتی دەبێتە راهێنەر تا کۆتایی وەرز و پاشانیش دەبێتە پۆستی راوێژکاری پێدەدرێت بۆ دوو ساڵ و لەو پۆستەدا کاریگەری دەبێت لەسەر هەڵبژاردنی راهێنەرێکی نوێی و هەروەها بڕیارە تەکتیکییەکان.
لە شەش یانە گەورەکەی ئینگلتەرادا، رانگنیک دەبێتە سێهەم راهێنەری ئەڵمانی پاش هەریەک لە یۆرگن کڵۆپ لەگەڵ لیڤەرپوول و تۆماس توخێل لەگەڵ چێڵسی.
