یاریگا–
فێدریکۆ ڤالڤێردی، ناوەڕاستکاری ئۆرگوایی یانەی ریال مەدریدی ئیسپانیا یاری ئەم هەفتەی یانەکەشی بەهۆی پێکان بەشداری ناکات.
رادیۆ کۆپێ ئیسپانی بڵاویکردەوە، ناوەڕاستکارەکەی شاهانەکان ماوەیەکە بەهۆی پێکان بەشداری یارییەکانی یانەکەی نەکردووە، ئەو یاریزانە چاوەڕێ دەکرا دوای یارییە نێودەوڵەتیەکان بگەڕێتەوە، بەڵام تاوەکو ئێستا بەشداری راهێنانە بە کۆمەڵەکانی نەکردووە و، بەم هۆیەوە بۆ یاری ئەم هەفتەیەش ئامادە نابێت.
ریال مەدرید سبەی یەک شەممە لە گەڕی چواردەی لالیگا رووبەڕووی گرانادا دەبێتەوە و ڤالڤێردی بەشداری ئەو یارییە ناکات.
