یاریگا–
هەردوو هەڵبژاردەی ئارجێنتینا و بەڕازیل لە بەردەوامی پاڵاوتنەکانی مۆندیالی 2022ی قەتەر بەرەبەیانی رۆژی چوار شەممە رووبەڕووی یەکتری دەبنەوە و، لیۆنێل میسی گۆڵکاری تانگۆ لە پێکهاتەی سەرەکی بۆ ئەم یارییە دەبێت.
لیۆنێل سکالۆنی راهێنەری هەڵبژاردەی ئارجێنتینایی لە کۆنفڕانسی رۆژنامەوانی پێش یارییەکە هاندەرانی هەڵبژاردەکەی دڵنیان کردەوە کە ئەستێرەی یەکەمی هەڵبژاردەکەیان لە پێکهاتەی سەرەکی دەبێت و، گووتیشی لیۆ بە تەواوەتی لە پێکانەکەی رزگاری بووە و هیچ مەترسی لەسەر نیە.
میسی یاریزانی یانەی پاریس سانجیرمانی فەرەنسا، بەهۆی پێکان دوو یاری رابردوو یانەکەی بەشداری نەکرد و لە یاری رابردووی هەڵبژاردەکەشی بەرامبەر ئورگوای لە خولەکی 76 بەشداری کرد.
