یاریگا–
رۆناڵد کومان، راهێنەری یانەی بارسێلۆنای ئیسپانیا دوای دۆڕانی یانەکەی بەرامبەر ریال مەدرید رایگەیاند، لەکاتی هێرشبردن یاریزانەکانیان تووشی کێشە دەبن.
راهێنەرەکەی بلاوگرانا دوای یارییەکە گووتی ” لە هێرشدا دەبێت چەند خاڵێک باشتر بکەین، وەک کۆتایی هێنان بە لێدان و پێگەیاندن لە ناوچەی سزای تیپی ڕکابەر. ئەوان لەنیوەی دووەمدا هەلی زۆریان دروستکرد، چونکە دەبوو بچینە پێشەوە و هەوڵ بدەین گۆڵ بکەین، ئەمەش ئەو دەرفەتەی پێدان کە کار لەسەر هێرشی هەڵگەڕاوە بکەن “.
کومان لە بەشێکی دیکەی قسەکانیدا دەڵێت ” یاریزانەکان وەک هەمیشە دوای هەموو یارییەک کە لەدەستی دەدەین، هەست بە دڵگرانی و نائومێدی دەکەن، دەبێت یارییەکە شیبکەینەوە و هەوڵ بدەین هەندێک شت باشتر بکەین “.
