یاریگا-
خۆسێ فیلیكس دیاز ، ڕۆژنامەنووسی باوەڕپێكراو لە ڕۆژنامەی ماركای ئیسپانی نزیكبوونەوەی كیلیان مباپێی فەڕەنسی و هێرشبەری یانەی پاریس سان جێرمانی لە ڕیاڵ مەدریدەوە ئاشكرا كرد.
گۆڵكارە فەڕەنسیەكە تەنها سالێكی ماوە لە گرێبەستەكەی لەگەڵ پاریس و تا ئێستاش ڕەتیدەكاتەوە گرێبەستەكەی لەگەڵ یانەكەینوێ بكاتەوە.
خۆسێ فیلیكس دیازی ڕۆژنامەنووس لە تۆڕی كۆمەڵایەتی تویتەر لە توویتێكدا ئاماژەی بە نزیكبوونەوەی مباپێ لە ڕیاڵ مەدرید دەكات و نووسیویەتی: ” هەنگاو بە هەنگاو ، مباپێ ”.
Step by step ✈️ Mbappé. ⚽️🏟
— José Félix Díaz (@jfelixdiaz) August 1, 2021
ماوریسیۆ پۆچەتینۆی ئەرجەنتینی و ڕاهێنەری یانە فەڕەنسیەكە مباپێی لە لیستی یاریزانەكانی پاریس بۆ یاری سوپەری فەڕەنسا دورخستەوە و یاریەكەش بە شكستی پاریس بەرامبەر لیل كۆتایی هات.
