یاریگا-
ڕۆژنامەی كۆنفیدیدینسیالی ئیسپانی پارچە دەنگیەكی ساڵی 2006ی فلۆرینتینۆ پێرێزی سەرۆكی یانەی ڕیال مەدریدی ئیسپانی بڵاوكردووەتەوە كە هێرش دەكاتە سەر ڕائول گۆنزالیز و ئیكەر كاسیاس.
كاسیاس زۆربەی ژیانی وەرزشی لە ڕیاڵ مەدرید بەسەربرد و لە ساڵەكانی 1999 تا ساڵی 2015 لە ڕیاڵ بەردەوە بوو دواتر پەیوەندی بە پۆرتۆوە كرد و ساڵی ڕابردوو بەهۆی كێشەیەك لە دڵیدا وازهێنانی خۆی لە یاریكردن ڕاگەیاند.
هەرچی ڕائول گۆنزالیزە لە ساڵەكانی 1994 تا ساڵی 2010 لە ڕیاڵ مەدرید بووە و دواتر پەیوەندی بە شالكەوە كرد و ساڵی 2015 وازهێنانی خۆی لە یاریكردن ڕاگەیاند.
ڕۆژنامەكە پارچە دەنگیەكی پێرێزی بڵاوكردووەتەوە كە دەڵێت: كاسیاس گۆڵپارێزی ڕیاڵ مەدرید نەبووە هیچ كات ، ئەتەوێت چیتان پێ بڵێم ، هەرگیز وا نەبووە ، ئەو شكستە گەورەیە بوو كە ئێمە هەمانبوو.
هەروەها دەشڵێت: ئەو كەسەش كە خۆشی دەوێت و قسەی لەگەڵ دەكەن و بەرگری لێدەكەن ، بەڵام ئەو یەكێك بوو لە گەورەترین فێڵ و ساختەكارییەكان كە بەرامبەر ڕیاڵ مەدرید كراوە ، دووەمیشیان ڕائول گۆنزالیزە.
سەبارەت بە بێكهام و زێدان دەڵێت: ئەو دووانە مەزنن ، تەنیا دوو كەسن كە ڕایەكی باشیان هەیە ، بەڵام ڕائول كەسێكی خراپە و پێی وایە خاوەنی ڕیاڵ مەدریدە ، ئەوان زۆر خۆپەرستن، هیچ كات نابێت پشتیان پێ ببەستین و ئەوەی پشتی پێدەبەستێت هەڵەیە.
"Casillas no es portero para el Real Madrid. Ha sido el gran fallo que hemos tenido, lo que pasa es que le adoran… Es una de las grandes estafas, la segunda es Raúl. Las dos grandes estafas del Real Madrid". Una reflexión pronunciada en septiembre de 2006 https://t.co/ribfspSvHv pic.twitter.com/pWAAsK35Ez
— El Confidencial (@elconfidencial) July 13, 2021
