یاریگا–
خاڤیەر تێباس، سەرۆکی ئەنجومی لالیگای ئیسپانیا هۆشداری دەداتە یانەی بارسێلۆنا ئەگەر بیانەوێت یاریزانی گرانبەها بۆ ریزەکانیان بگوازنەوە، ئەو سەرەتا پێویستە بیر لە دابین کردنی بودجە و موچەی ئەو یاریزانانە بکەنەوە.
سەرۆکی ئەنجومەنی لالیگای ئیسپانیا لە دیمانەیەکدا لەگەڵ ماڵپەری فتبۆل ئیسپانا دەڵێت ” کەتەلۆنیەکان نزیکەی یەک ملیار یۆرۆ قەرزارن، بۆیە ناکرێت یانەیەک ئەو هەموو قەرزەی هەبێت و لە هەمان کاتدا بیر لە گواستنەوەی یاریزانی گرانبەها بکاتە، داوامان لێکردوون سەرەتا دەبێت کێشە داراییەکانیان چارەسەر بکەن، دواتر ئەو یاریزانانە بگوازنەوە کە تێچوو و موچەکەیان بەرزە ”.
بارسێلۆنا ئەم هاوینە چوار یاریزانی بۆ ریزەکانی گواستۆتەوە، لەم چوار یاریزانە تەنها نۆ ملیۆن یۆرۆیان خەرج کردووە و ئەوانی دیکە بە خۆرایی پەیوەندیان بەم یانەیەوە کردووە، بەڵام لە هەمان کاتدا موچەکانیان دەبێتە گەورەترین کێشە بۆ ئەو یانەیە.
