یاریگا–
کارگێری یانەی پاری سانجێرمانی فەرەنسا بەردەوامە لەسەر هەوڵەکانی لە پێناو نوێکردنەوەی گرێبەستەکەی کلیان مباپێ هێرشبەری یانەکەیان، بەڵام یاریزانەکەش بەردەوامە لەسەر هەوڵەکانی بۆ جێهێشتنی یانەکەی.
کەناڵی Cuatroـی ئیسپانی لە نوێترین بەدواداچوونی بۆ بابەتی نوێکردنەوەی گرێبەستەکەی گۆڵکارە لاوەکەی شازادەکان بۆیان دەرکەوتووە، کارگێری ئەو یانەیە بەردەوام فشار بۆ یاریزانەکەیان دروست دەکات، بۆ ئەوەی گرێبەستەکەی نوێ بکاتەوە و لەگەڵ یانەکەیان بەردەوام بێت، بەڵام ئەو یاریزانە بەهیچ شێوەیەک ئامادەنیە بچیتە ژێر فشارەکان و پێداگیری لەسەر جێهێشتنی یانەکەی دەکات.
ئەو سەرچاوەیە باسی لەوەش کردووە مباپێ چوار جار ئۆفەری یانەکەی بۆ نوێکردنەوەی گرێبەستەکەی رەتکردووەتەوە، ئەویش لە پێناو ئەوەی وەرزی داهاتوو دڕێسی یانەی ریال مەدریدی ئیسپانیا لەبەر بکات.
