خلێفی لە بارەی ڕۆیشتنی مباپێ بێدەنگی شکاند
یاریگا –
ناسر خلێفی سەرۆکی پاریس سان جێرمان بێدەنگی شکاند لە بارەی پەرەسەندنی دەنگۆیەکانی سەبارەت بە ڕێککەوتنی کیلیان مباپێ و ڕیاڵ مەدرید.
لەگەڵ کردنەوەی دەرگای بازاڕی گواستنەوەکانی زستان و گەیشتنی ئەو وادەیەی کە مباپێ ئازاد بوو لەگەڵ یانەی دڵخوازی خۆیدا بکەوێتە گفتوگۆ لە بارەی قۆناغی داهاتوویەوە، ناوی ئەستێرە فەرەنسیەکە و ڕیاڵ مەدرید لە هەر کاتێک زیاتر کەوتە میدیاکانەوە و بە ئەندازەیەک هەندێک لە سەرچاوەکان دڵنیاییان پیشان دا لەوەی مباپێ “بەڵێ”ی بۆ شاهانەکانی ئیسپانیا کردووە.
لەم بارەیەوە لە نوێترین پێشهاتدا خودی ناسر خلێفی هاتە دەنگ و وتی
دەمەوێت کیلیان بمێنێتەوە. ئەو باشترین یاریزانی جیهانە و، باشترین یانەیش بۆ ئەو هەر پاریسە. ئەو چەقی پرۆژەکەی ئێمەیە.
🗣️ PSG president Nasser Al-Khelaifi to RMC on Kylian Mbappe's future. "I absolutely want Kylian to stay. He's the best player in the world and the best club for him is PSG. He's at the centre of our project." pic.twitter.com/d57fu5ub4v
— Ben Jacobs (@JacobsBen) January 9, 2024
هەروەها وتیشی
بهێڵن با کیلیان سەلامەت و هێمن بێت. ئەو هەرگیز شتێک ناکات لە دژی پی ئێس جی. من باوەڕم بە مباپێ هەیە و ئەو بەشێکە لە خێزانەکە. ئەو خاوەنی باشترین شوێنی ڕاهێنان کردنە، خاوەنی باشترین ڕاهێنەری جیهانە. بەردەوامیش لە چامپیۆنزلیگ یاری دەکات. من ڕێککەوتنێکی خانەدانانەم لەگەڵ ئەو هەیە کە تەنها لە نێوان من و ئەودا دەمێنێتەوە و لێدوان نادەم لە بارەی پارە و وردەکارییەکانەوە. پەیوەندییەکی باشیشم لەگەڵد هەیە.
🎙️ PSG president Nasser Al-Khelaifi: “Let Kylian Mbappé be in peace, calm… he will never do anything against PSG.
I trust Mbappé. He’s part of the family. Kylian here has the best training ground in the world, the best coach in the world, regularly playing Champions League.… pic.twitter.com/xtXQ3rdfx1
— Transfer News Live (@DeadlineDayLive) January 9, 2024
قسەکانی سەرۆکە قەتەرییەکە لە کاتێکدایە کەمتر کە شەش مانگ ماوە بۆ یەکلابوونەوەی چیرۆکە دوورودرێژەکە و ئاشکرابوونی مەتەڵەکە کە مبامپێ لە باخچەی شازادەکان دەمێنێتەوە یاخود بارگەی بۆ قەڵای سپی دەگوازێتەوە.
