یاریگا–
ئۆلێ گێنار سۆلشایەر، راهێنەری یانەی مانچێستەر یونایتدی ئینگلیزی ئارەزوو دەکات راهێنەرایەتی کریستیانۆ رۆناڵدۆ هێرشبەری پۆرتوگاڵی بکات.
راهێنەرەکەی مان یو لە چاوپێکەوتنێکدا لەگەڵ رۆژنامەی تایمزی بەریتانی دەڵێت ” لە کاروانی وەرزشی خۆم ماوەیەک لەگەڵ رۆنالدۆ یارییم کردووە، لە 15 ساڵی رابردوو لەگەڵ میسی باشترینی جیهان بونە، بەڵام من ئارەزوو دەکەم دۆن ببێتە یاریزانم و راهێنەریەتی ئەو یاریزانە بکەم، چونکە زۆر راهێنەر ئارەزووی هاوشێوەی منی هەیە “.
ئەم قسانەی سۆلشایەر هێندەی دیکەی دەنگۆکانی ئەم دواییە بەهێزتر دەکات، کە باس لەوە دەکەن رۆناڵدۆ یانەکەی جێدێڵێت و بەشێکیش پێیانوایە ئەم قسانەی راهێنەرەکەی مان یو ئاماژەیەکە بۆ گەڕانەوەی یاریزانە پۆرتوگاڵیەکە بۆ یانەکەی پێشووی.
