ئیسپانیا
ڕیاڵ مەدرید جۆری پێكانەكەی كارڤاخالی ڕاگەیاند
یاریگا-
یانەی ڕیاڵ مەدریدی ئیسپانی جۆری پێكانی ئەستێرەی یانەكەی دانی كارڤاخالی ڕاگەیاند.
دوای ئەوەی لە یاری پێشووی یانەكەی بەرامبەر ڤالینسیا تووشی پێكان بوو بەهۆیەوە نەیتوانی یاریەكە تەواو بكات و یاریگای جێهێشت.
ئەمڕۆ لە بەیاننامەیەكی فەرمیدا لە تۆڕی كۆمەڵایەتی تویتەر یانە شاهانەكە ڕایگەیاند یاریزان كارڤاخال پێكانی هەیە لە ماسولكەی قاچی ڕاستیدا.
Parte médico de Carvajal.#RealMadrid
— Real Madrid C.F. (@realmadrid) February 15, 2021
شایەنی باسە لە بەیاننامەكەدا ماوەی دووركەوتنەوەی ئاشكرا نەكراوە بەڵام سەرچاوەكان ئاماژە بەوە دەكەن یاریزانەكە ماوەی مانگێك لە یاریگاكان دوور دەكەوێتەوە و بەوەش ناتوانێت بەشداری لە یاریەكانی یانەكەی بەرامبەر ( بەلەد وەلید ، ئەتلانتا ، ڕیاڵ سۆسیداد ، ئەتلەتیكۆ مەدرید ، ئێلچی ، ئەتلانتا) بكات.
