مان سیتی گەڕایەوە مەشقەکان پاش داخستنی یانەکە

یاریگا-یانەی مانچێستەر سیتی ئەمڕۆ گەڕایەوە مەشقەکان پاش داخستنی یانەکە بەهۆی تووشبوونی بەشێک لە یاریزانان و ستافی یانەکە بە کۆرۆنا.

یاری نێوان مانچێستەر سیتی و ئێڤەرتۆن رۆژی دووشەممە دواخرا پاش ئەوەی راگەیەندرا چەند یاریزانێکی مان سیتی لە نێویاندا  کایڵ واڵکەر و گابریێل جیسوس  تووشبوون. بەو هۆیەوە مەشقەکانی یانەکە راگیران و یاریزانەکانی دیکە نێردرانەوە ماڵەوە.

پاش تێپەڕبوونی دوو رۆژ دەرکەوت یاریزان و ستافەکانی دیکە سەلامەتن و بەهۆیەوە ئەمڕۆ مەشقە ئاساییەکانیان دەستی پێکردەوە، بەوەش  پێشبینی دەکرێت یارییەکەیان بەرامبەر چێڵسی لە ٣ی مانگی یەکدا بە ئاسایی بەڕێوەبچێت.

ئەمڕۆش یاری نێوان تۆتنهام و فولهام بەهەمان هۆکار دواخرا پاش توشبوونی چەند یاریزانێکی فولهام بە ڤایرۆسی کۆڤید ١٩.