لیڤەرپووڵ بە ئامارێکی نابەدڵەوە پێشەنگە

یاریگا- سەرەڕای پێشەنگی گرتنیان لە پریمەرلیگ، یانەی لیڤەرپووڵ ئاماری نابەدڵی لە هەگبەدایە بە بەراورد بە وەرزی ڕابردوو.

لیڤەرپووڵ ئەمشەو لە نێو یاریگای ئانفیڵد کەوتە داوی یەکسانبوونی 1-1 لەگەڵ وێست برۆمیچی خاوەن پلەی پێش کۆتایی ڕیزبەندییەکە.

ئەوە شەشەمین یاریی بوو لەم وەرزدا پاش 15 هەفتە، ڕێدز نەتوانێ سەرکەوتن تۆمار بکات [5 یەکسانبوون و دۆڕاندنێک]. لە کاتێکدا لە کۆی 38 یارییەکەی وەرزی ڕابردوو، تەنها شەش یارییان بەبێ بردنەوە کۆتایی هاتبوو.