ڕۆناڵدینهۆ داوای نزا بۆ دایكی دەكات
یاریگا- ڕۆناڵدینهۆ ، ئەستێرەی پێشووی هەڵبژاردەی بەڕازیل داوای نزا و پاڕانەوە بۆ دایكی دەكات، كە بەهۆی ڤایرۆسی كۆرۆناوە لە بەشی چاودێری وردی نەخۆشخانە دانراوە.
یاریزانەكەی پێشووی بارسێلۆنا و ئەیسی میلان و پاریس سان جێرمان دووپاتیكردەوە خێزانەكەی دەجەنگێت لە پێناو چاكبوونەوەی میگلینا دۆس سانتۆسی دایكی.
پاڵەوانی جامی جیهانی 2002 لە پەڕەی تایبەتی خۆی لە توویتەر نووسیوویەتی: خۆشەویستانم دایكم تووشی ڤایرۆسی ”covid-19 بووە، ئێمە لە هەوڵداین بۆ ئەوەی بە زووترین كات چاكببێتەوە ، ئەو لە یەكەی چاودێری چڕ دانراوە و چارەسەرەكان وەردەگرێت ، سوپاسی نزا و پاڕانەوەكانتان دەكەم ، بەهێز بمێنەوە دایكە”.
Queridos amigos, minha mãe está com Covid e estamos na luta para que ela se recupere logo. Ela está no centro de tratamento intensivo, recebendo todos os cuidados. Agradeço desde já as orações, as energias positivas e o carinho de sempre. Força mãe 🙏🏾
— Ronaldinho (@10Ronaldinho) December 21, 2020
