ئیسپانیا
سەرۆكی كاتی بارسێلۆنا تێبینیەكانی لە بارەی فرۆشتنی میسی ڕووندەكاتەوە
یاریگا- كارلیس تۆسكێتس ، سەرۆكی كاتی یانەی بارسێلۆنای ئیسپانی تێبینیەكانی خۆی لە بارەی فرۆشتنی ئەفسانەی یانەكە لیۆنێل میسی ڕووندەكاتەوە.
پێشتر تۆسكێتس ووتبووی پێی ناخۆش نیە میسی بفرۆشێت ، ئەمەش بووەتە هۆی شەپۆلێكی گەورەی ناڕەزایی هاندەرانی بلاوگرانا.
لە وەڵامی ئەو ڕەخنانەدا ووتی: نەمووتوە لیۆنێل میسی دەفرۆشم، ووتم ڕۆشتنی ئەو لە ڕووی ئابوریەوە سوودی زۆر باشی بۆ یانەكە دەبێت.
هەروەها ووتیشی: ئەگەر پێوویست بكات بۆ كومان ڕووندەكەمەوە كە قسەكانی منیان بە هەلە لێكداوەتەوە،ئامادەشم لەگەل میسی بدوێم و ڕوونیبكەمەوە.
لەكۆتایشدا ووتی: بێگومان ئەوەی یانەكە لە پشتی میسیەوە دەستی دەكەوێت قەرەبووی ئەو قەیرانە داراییە دەكات كە یانەكە بەهۆی ڤایرۆسی كۆرۆناوە پێیدا دەڕوات و هەروەها نابێت بارسێلۆنا تەنها پشت بە یەك ناو ببەستێت.
