یاریگا
کارل هاینس رۆمینیگێ، سەرۆکی یانەی بایرن میونشنی ئەڵمانیا رەتیدەکاتەوە ئەوان هەوڵی گواستنەوەی لیۆنێل میسی گۆڵکاری مێژوویی یانەی بارسێلۆنای ئیسپانیایان دابێت.
سەرۆکی باڤارییەکان لەمبارەیەوە بە رۆژنامەی بیڵدی وڵاتەکەی گووت ” حەز ناکەم لیۆ یانەی بارسێلۆنا جێبێڵێت، ئەو زۆر پیشەگەرانە لەگەڵ یانەکەی دەستکردووە و هیوادارم لە یانەکەی بەردەوام بێت. ئێمە هیچ کاتێک بە هۆی زۆری موچەکەی هەوڵی گواستنەوەمان نەداوە و توانای گواستنەوەی ئەو جۆرە یاریزانانەمان نیە “.
رۆمینیگێ لە بەشێکی دیکەی قسەکانیدا ئاماژەی بەوەدا دوای یارییەکەی بەرامبەر بارسێلۆنا و بردنەوە مێژووییەکەیان هەوڵیداوە پەیوەندی بە میسی بکات، بەڵام نەیتوانیوە.
