دوای زیاتر لە دوو ساڵ دابڕان، چیچاریتۆ دەگەڕێتەوە بۆ لاکێشەی سەوز

یاریگا –

چیچاریتۆ، ناوێکی دیار لە مێژووی تۆپی پێی مەکسیک و یانەکانی ئەوروپا، دوای دابڕانێکی زۆر دواجار دەگەڕێتەوە بۆ لاکێشەی سەوز.

خاڤیێر هێرناندێز، کە زیاتر بە چیچاریتۆ ناوبانگی رۆشتووە، 20 ساڵ لەمەوبەر کاتێک هێشتا تەمەنی 18 ساڵان بوو لەرێگەی یانەی گوادالاخارای وڵاتەکەیەوە دەستی بە کاروانی پیشەگەرێتی کرد. تا زستانی 2025 کە هەر لە دەرگای ئەو یانەیەوە بەتەواوەتی دوورکەوتەوە لە یاریکردن، ئەزموونی لەگەڵ چەندین یانەی ناسراوی ئەوروپا هەبوو کە دیارترینیان مانچێستەر یونایتد، ریال مەدرید، بایەر لیڤەرکوزن، وێستهام و سێڤییا.

بەگوێرەی زانیاریی سەرچاوە باوەڕپێکراوەکان، هێرشبەرە 38 ساڵیەکە پەیوەندی بە ئاتلێتیک داڵاس دەکات.

چیچاریتۆ بە ئۆفەرەکانی داڵاس رازی بووە و دەبێتە یەکەمین گرێبەست لە مێژووی ئەو یانەیەدا کە لە خولی چامپیۆنشیپی ئەمریکی بەشدار دەبن.

فابریزیۆ رۆمانۆ زانیویەتی کە خاڤیێر لە دەستپێکی ساڵی 2027 دەستدەکاتەوە بە یاریکردن و راستەوخۆ هاوکاری پرۆژە نوێیەکەی یانەکە دەکات. ئەوەش واتا دوای دوو ساڵ دابڕان لە یاریکردن.

🚨🇲🇽 EXCL: Javier Chicharito Hernández has agreed to join Atlético Dallas, first signing ever for new USL Championship side.

Chicharito will start playing from 2027 but will be contributing to the project immediately.

38 year old striker, set for new chapter. 🇺🇸 pic.twitter.com/NfAk5ULpU0

— Fabrizio Romano (@FabrizioRomano) July 27, 2026