دەنگۆكانی مێركاتۆ؛ ریال مەدرید نرخی ڤینیسیۆس دەستنیشاندەکات و بارسێلۆنا ئەستێرەیەکی پرێمەرلیگی دەوێت

یاریگا –

پاریس سانجێرمان بۆ دەستبەرداربوون لە بڕادلی بارکۆلا، هێرشبەری فەرەنسی، داوای 145 ملیۆن پاوەند دەکات و لیڤەرپوول و ئارسیناڵ گرنگی بە گواستنەوەی دەدەن  – تایمز

ئارسیناڵ هێشتا گفتوگۆی گواستنەوەی ڤینیسیۆس جونیۆری دەستپێنەکردووە، بەڵام ریال مەدرید ئامادەیە لەم هاوینە بە 160 ملیۆن یۆرۆ دەستبەرداری ببێت – میرەر

ئارسیناڵ ئامادەیە گەورەترین ئۆفەر لە مێژووی یانەکە پێشکەشی ڤینیسیۆس جونیۆر بکات – میرەر

ڤینیسیۆس جونیۆر دەیەوێت گرێبەستەکەی لەگەڵ ریال مەدرید نوێبکاتەوە و نوێکردنەوەی گرێبەستەکەی لەپێشینەی کارەکانییەتی – رۆژنامەی ئاس

ئارسیناڵ دەیەوێت پڕۆسەی گواستنەوەی بڕونۆ گیمارایش خێراتر بکات – تۆک سپۆرت

گیمارایش، نیوکاسڵی ئاگادار کردووەتەوە دەیەوێت تاوەکوو هەفتەی داهاتوو و پێش دەستپێکی ئامادەکارییەکانی وەرزی نوێ چارەنووسی یەکلایی بکرێتەوە – تیم تۆک

مێرکاتۆی تۆتنهام کۆتایی نەهاتووە و ئامانجی داهاتووی سپێرز گواستنەوەی ساڤینیۆ، ئەستێرەی مانچێستەر سیتییە – سەن

ریال مەدرید بۆ گواستنەوەی یان دیۆماندێ، لەگەڵ لایپزیگ گەیشتە رێککەوتنی کۆتایی – فابریزۆ رۆمانۆ

هیلالی سعوودی گفتوگۆی گواستنەوەی ئیکیمان ئێندیایێ، هێرشبەری سەنیگالی یانەی ئێڤەرتنی دەستپێکردووە – فابریزۆ رۆمانۆ

چێڵسی ئامادەیە بە ئۆفەرێکی گەورە دەستبەرداری پێدرۆ نێتۆ، هێرشبەری پۆرتوگالی ببێت و لیڤەرپوول و مانچێستەر سیتی و یانەکانی سعوودیە گرنگی بە گواستنەوەی دەدەن – مەیڵ

بێشکتاش کۆتا ئۆفەری بۆ محەمەد سەڵاح ناردووە و چاوەڕێی وەڵامی کۆتایی هێرشبەرە میسڕییەکەیە – مەیڵ

بارسێلۆنا گرنگی بە گواستنەوە ئێلی جونیۆر کرۆپی دەدات، بەڵام بۆرنمس ئامادە نییە دەستبەرداری ببێت – مارکا

ئەگەر ریال مەدرید بەخواستن دەستبەرداری فڕانکۆ ماستانتونۆ ببێت، فولهام نزیکترین یانە دەبێت لە گواستنەوەی – رۆژنامەی ئاس

یوڤێنتوس بیر لە گواستنەوەی جۆشواز زیرکزی، هێرشبەری هۆڵەندی دەکاتەوە – لاگازێتا دیلۆ سپۆرت

جواو پالینیا، ناوەڕاستکاری پۆرتوگالی دەیەوێت لەپێناو مانەوەی لە بایرن میونشن و بەدەستهێنانی متمانەی کۆمپانی بجەنگێت، بەڵام یانە ئەڵمانییەکە دەیەوێت لەم هاوینە دەستبەرداری ببێت – بیڵد

ریال مەدرید یەکەم گرێبەستی بە بەهای 50-60 ملیۆن یۆرۆ بۆ گواستنەوەی رۆدری پێشکەشی مانچێستەر سیتی دەکات — نیکۆلۆ شێرا

لیڤەرپوول ئۆفەرێکی سەروو 100 ملیۆن یۆرۆیی بۆ گواستنەوەی برادلی بارکۆلا پێشکەشی پاریس سان جێرمان دەکات — نیکۆلۆ شێرا