ئێستا؛ بەڕازیل چارەنووسی کارلۆ ئانچێلۆتی یەکلایی دەکاتەوە
یاریگا –
فیدراسیۆنی تۆپی پێی بەڕازیل بڕیاری کۆتایی لەبارەی چارەنووسی کارلۆ ئانچێلۆتی، راهێنەری ئیتاڵی دەدات.
فابریزۆ رۆمانۆ، رۆژنامەنووسی باوەڕپێکراو بڵاویکردووەتەوە، فیدراسیۆنی تۆپی پێی بەڕازیل و کارلۆ ئانچێلۆتی بڕیاریانداوە رێز لە گرێبەستی نێوانیان بگرن و ئانچێلۆتی لە پۆستی راهێنەرایەتی هەڵبژاردەکەی دوورخرانخرێتەوە و لەگەڵ سامبا بەردەوام دەبێت.
فیدراسیۆنی تۆپی پێی بەڕازیل متمانەی بە راهێنەرە ئیتاڵییەکە بەخشیووەتەوە و ئانچێلۆتی دەیەوێت بەڕازیل بۆ کۆپا ئەمریکای داهاتوو ئامادە بکات.
🚨🇧🇷 Carlo Ancelotti and the Brazilian Federation already agreed to respect the contract and continue together.
Ancelotti will lead the rebuilding of the Seleção ahead of World Cup and Copa América. pic.twitter.com/VP9MY564uF
— Fabrizio Romano (@FabrizioRomano) July 8, 2026
هەڵبژاردەی بەڕازیل لە قۆناخی 16ـی جامی جیهانی 2026 لەسەر دەستی نەرویج دوورخرایەوە، کارلۆ ئانچێلۆتی بەهۆی ئەو شکستە سەختە رووبەڕووی رەخنەیەکی زۆر بووەوە و بەشێک لە ئەفسانەکانی بەڕازیل، لەنێویاندا رۆناڵدۆ نازاریۆ، بڕوایان وایە ئانچێلۆتی هۆکاری سەرەکی شکستەکە بووە.
ئەو راهێنەرە 67 ساڵانییە لە هاوینی 2025 ریال مەدریدی جێهێشت و پۆستی راهێنەرایەتی هەڵبژاردەی بەڕازیلی وەرگرت، ئەمساڵیش گرێبەستەکەی لەگەڵ سامبا تاوەکوو هاوینی 2030 نوێکردەوە.
ئانچێلۆتی لە 17 یاریی سەرپەرشتی بەڕازیلی کردووە، 10 یاریی بردووەتەوە، سێ یاری یەکسانبووە و چوار یاری دۆڕاوە.
