ئینگلتەرا پێش یەکەم یاری ماڵاوایی لە 4 یاریزان دەکات

یاریگا –

ئینگلتەرا تەنیا چەند رۆژێک پێش دەستپێکردنی کەمپەینی خۆی لە مۆندیالدا، ماڵاوایی لە چوار یاریزان کرد.

تیمی سێ شێرەکە کەمپێکی راهێنانیان لە فلۆریدا کرد پێش ئەوەی گەشت بکەن بۆ کانساس سیتی، کە لە ماوەی پاڵەوانییەتییەکەدا لەوێ دەمێننەوە. تیمەکەی تۆماس تۆخێل چەند یارییەکی دۆستانەی لە بەرامبەر نیوزلەندا، کۆستاریکا و تیمی نێوخۆیی مەیامی یونایتد کرد و 6-0 لە مەیامی یونایتدی بردەوە.

تیمە 26 یاریزانییەکەی ئینگلتەرا و ستافەکەیان بەیانی رۆژی شەممە دەچنە هۆتێلی تیمەکەیان. بەڵام چوار یاریزانە لاوەکە لەگەڵیاندا ناڕۆن. ئالێکس سکۆت، ئیتان نوانێری، ریۆ نگومۆها و جۆش کینگ بەشێک بوون لە کەمپی راهێنانەکە، بەڵام لە لیستی کۆتایی تیمی مۆندیالدا نین. ئەوان ئێستا دەگەڕێنەوە و پشووی هاوینی خۆیان دەستپێدەکەن.

ئینگلتەرا لە تۆڕی کۆمەڵایەتی X سوپاسی ئەو چوار یاریزانەی کرد و بە “بەشێکی گرنگ” لە ئامادەکارییەکانی تیمەکە ناوی بردن.

An important part of our preparations so far 👏

Thanks to Alex Scott, Ethan Nwaneri, Rio Ngumoha and Josh King who depart at the conclusion of our camp in Florida 🤝 pic.twitter.com/yZtwx0HDJC

— England (@England) June 12, 2026

نوانێری، نگومۆها و کینگ ناتوانرێت لە کۆتا خولەکدا بانگهێشتی تیمەکە بکرێن. بەڵام ئالێکس سکۆت هێشتا دەکرێت زیاد بکرێت. ئەمەش لەبەر ئەوەیە کە سکۆت لە لیستی بەرایی 55 یاریزانییەکەی تۆخێلدا بوو. ئەگەر یاریزانێکی نێو یاریگا تووشی پێکان بێت، سکۆت دەتوانێت تاوەکوو 24 کاتژمێر پێش یەکەم یاریی ئینگلتەرا لە بەرامبەر کرواتیا شوێنی بگرێتەوە.

گۆڵپارێز دەکرێت لە هەر کاتێکدا لە ماوەی پاڵەوانییەتییەکەدا بگۆڕدرێت. بەهۆی ئەوەشەوە، پێشبینی دەکرێت جەیسن ستیل وەکوو یەدەک لەگەڵ تیمەکەدا بمێنێتەوە.