فەرمی؛ تۆتنهام گرێبەستی ئەستێرەیەک نوێ دەکاتەوە

یاریگا –

دوای رزگاربوون لە دابەزین بۆ چامپیۆنشیپ بە سەرکردایەتی رۆبێرتۆ دی زێربی راهێنەر، تۆتنهام لە شۆڕشی نوێکردنەوە و چاکسازیی پێکهاتەکەی بەردەوامە.

بەرگریکاری بەئەزموونی یانەی تۆتنهام هۆتسپێر، بێن دەیڤس، گرێبەستێکی نوێی یەک ساڵەی تاوەکوو کۆتایی وەرزی داهاتوو واژۆ کرد. گرێبەستەکەی پێشووی دەیڤس بڕیاربوو لە کۆتایی ئەم مانگەدا بەسەربچێت و ئەو ئامادەبوو بۆ جێهێشتنی یانەکە. ئەم یاریزانە تەمەن 33 ساڵەی وێڵز، کە لە تەممووزی 2014 لە سوانزییەوە پەیوەندی بە سپێرزەوە کرد، ماوەی مانەوەی لە یانەکەی باکووری لەندەن بۆ ساڵی 13ـەیەم درێژ دەکاتەوە.

دەیڤس لە ماوەی ساڵانی رابردوودا یاریزانێکی سەرەکی بووە بۆ یانەکە و بەرپرسانی باڵای تۆتنهام ئەزموون و خاسییەتەکانی سەرکردایەتیی ئەو وەکوو کلیلێکی گرنگ دەبینن لە ماوەی یەکەم وەرزی تەواوی رۆبێرتۆ دێ زێربی وەکوو راهێنەری تیمی یەکەم.

ئەم بەرگریکارە لە مانگی کانوونی دووەمدا نەشتەرگەریی بۆ پاژنەی پێی شکاوی کرد و بەو هۆیەوە لە وەرزی رابردوودا تەنیا بەشداریی لە سێ یاری پرێمەرلیگدا کرد؛ ئەوەش لە وەرزێکدا کە تێیدا سپێرز بە زەحمەت و بە جیاوازییەکی کەم لە دابەزین بۆ چامپیۆنشیپ رزگاری بوو.

بێن دەیڤس لەگەڵ تۆتنهام 363 یاریی لە سەرجەم پاڵەوانییەتییەکاندا کردووە و خاوەنی 10 گۆڵە.