یاریگا –
مانچێستەر سیتی بەیاننامەیەکی بەپەلە لەبارەی پەیوەندیکردنی ئێرلینگ هالاند، هێرشبەری نەرویجی بە ریال مەدرید بڵاوکردەوە و هەڕەشەی توند لە یانە ئیسپانییەکە دەکات.
ئەو چیرۆکانەی لە ئیسپانیا لەبارەی داهاتووی ئێرلینگ هالاند سەریان هەڵداوە دوورن لە راستییەوە.
هیچ چانسێک نییە بۆ ئەوەی ئەمە رووبدات، چونکە هیچ بڕگەیەکی شکاندن لە گرێبەستەکەیدا نییە بۆ ئەوەی کارا بکرێت.
بیر لە گرتنەبەری رێکاری یاسایی دەکەینەوە سەبارەت بە بەکارهێنانی ناوی یاریزانەکەمان لەو بانگەشەیەدا.
ئەم وەڵامە توندەی مانچێستەر سیتی دوای ئەوە دێت، شەوی رابردوو ئێنریکێ ریکێلمی، رکابەری فلۆرێنتینۆ پێرێز رایگەیاند ئەگەر لە پێرێز بباتەوە و ببێتە سەرۆکی ریال مەدرید ئەوا گرێبەست لەگەڵ ئێرلینگ هالاند واژۆ دەکات.
بەڵام مانچێستەر سیتی بەو لێدوانە نیگەران بووە و پێی وایە نابێت ئەستێرەیەکی گەورەی وەکوو هالاند بۆ بانگەشەی هەڵبژاردنی ریال مەدرید بەکاربهێنرێت و بیر لەوە دەکاتەوە سکاڵا لەسەر ئێنریکێ ریکێلمی تۆماربکات.
یەکشەممەی داهاتوو 7ـی حوزەیرانی 2026 هەڵبژاردنی پۆستی سەرۆکایەتی ریال مەدرید بەڕێوەدەچێت، ئێنریکێ ریکێلمێ رکابەری پێرێز دەکات و دەیەوێت کۆتایی بە سەردەمی قرشە سپییەکە بهێنێت.
🚨Manchester City: “The stories which have emerged from Spain regarding the future of Erling Haaland are untrue.
There is no chance of this happening and there is no contractual clause to enable it.
We are considering legal action for the use of our player image in this context”… https://t.co/AXDz3EhRcx— Mario Cortegana (@MarioCortegana) June 4, 2026
