تەواو؛ ریال مەدرید گواستنەوەی ئەستێرەیەكی یەكلاییكردەوە

یاریگا –

یانەی ریال مەدریدی ئیسپانی لە گواستنەوەی ئیبراهیما كۆناتێ بەرگریكاری فەڕەنسی نزیكە.

كۆناتێ لە چەند رۆژی رابردوودا لە دوای كۆتاییهاتنی گرێبەستەكەی رۆیشتنی خۆی لە ریزەكانی لیڤەرپوول راگەیاند.

كەمێک پێش ئێستا کەمپەینی هەڵبژاردنی فلۆرێنتینۆ پێرێز بۆ سەرۆکایەتی یانەی ریال مەدرید رایگەیاند، کە جۆزێ مۆرینیۆی پۆرتوگالی دەگەڕێتەوە بۆ راهێنەرایەتیكردنی یانەکە ئەگەر پێرێز پۆستەکەی بەدەست بهێنێتەوە.

🚨💣 Ibrahima Konaté to Real Madrid, all confirmed and here we go! ✅

Four year contract has been signed today, same as Denzel Dumfries. Both signings are done and sealed by Florentino Pérez.

Announcements to follow after the elections. pic.twitter.com/654SrvKLjb

— Fabrizio Romano (@FabrizioRomano) June 3, 2026

بە گوێرەی زانیارییەكانی فابریزیۆ رۆمانۆ، ریال مەدرید واژۆی کۆناتێ، بەرگریکاری فەرەنسی بەدەستهێنا و بۆ ماوەی چوار ساڵ گرێبەستی لەگەڵ یانەی شاهانە کرد.

هەمان سەرچاوە ئەوەشی خستووەتەڕوو، ریال مەدرید گرێبەستی لەگەڵ دێنزێڵ دومفریس، بەرگریکاری هۆڵەندی واژۆ کردووە و هەردوو گرێبەستەکە بە سەرپەرشتی فلۆرێنتینۆ پێرێز کراون.

بریارە دوای راگەیاندنی ئەنجامی هەڵبژاردنەکانی یانەکە کە لە 7ـی ئەم مانگە بەڕێوەدەچن، هەردوو گرێبەستەکە بەفەرمی رابگەیەندرێن.

دوای دوو وەرزی بێ نازناو فلۆرینتینۆ پێرێز دەیەوێت شۆڕشێكی نوێ رابگەیەنێت و چەند ئەستێرەیەک بگوازێتەوە.