دێلا فوێنتی وردهكاری پلانهكهی بۆ یارییهكهی عێراق ئاشكرا دهكات
یارییهكهی عێڕاق بۆ ئێمه گرنگه
یاریگا –
لە چوارچێوەی ئامادەکارییەکانی بۆ بەشداریکردن لە جامی جیهانی، لویس دێلا فوێنتی، راهێنەری هەڵبژاردەی ئیسپانیا، جەختی لە گرنگیی یارییە دۆستانەکەی سبەی بەرامبەر هەڵبژاردەی عێراق کردەوە و رایگەیاند کە ئەم رووبەڕووبوونەوەیە تەنیا یارییەکی ئاسایی نییە.
ئامادەکاری بۆ مۆندیال
دێلا فوێنتی لە کۆنگرەیەکی رۆژنامەوانی پێش یارییهكهی عێڕاق رایگەیاند:
“پێویستە یاری بەرامبەر عێراق بكهین، چونکە ئەمە بەشێکی زۆر گرنگە لە پلانی ئامادەکارییەکانمان بۆ یەکەم دەرکەوتنمان لە مۆندیال، لە رێگەی ئەم یارییەوە هەڵسەنگاندن بۆ ئاستی یاریزانەکان دەکەین و بڕیار دەدەین کێ زیاتر یان کەمتر بەشداری دەکات.”
🎙️ “A Rodrigo ahora le corresponde ser capitán junto a Unai Simón, Ferran Torres y Mikel Oyarzabal”.
➡️ “Es un honor tener jugadores de este perfil representándonos en la capitanía”.
🗣️ Luis de la Fuente, seleccionador nacional.#VamosEspaña | #CopaMundialFIFA pic.twitter.com/fDsxxv897K
— Selección Española Masculina de Fútbol (@SEFutbol) June 3, 2026
بارودۆخی یاریزانەکان
سەبارەت بە پێکهاتەی تیمەکە، ڕاهێنەری “ماتادۆر” ئاماژەی بەوە کرد کە سێ یاریزانەکەیان کە لە یاری کۆتایی خولی پاڵەوانەکانی ئەوروپا دەگەڕێنەوە، ئەمشەو دەگەنە ناو کەمپی هەڵبژاردەکە، بەڵام پشتڕاستی کردەوە کە نابنە بەشێک لە پێکهاتەی سەرەکی بۆ یارییەکەی عێراق.
دێلا فوێنتی گوتیشی:
“ئێمە هەنگاو بە هەنگاو و یاری بە یاری دەڕۆین، دەمانەوێت بزانین تیمەکە لەم قۆناخەدا پێویستی بە چییە. ئەو یاریزانانەی بۆ ئەم یارییە بانگهێشت کراون، هاوکارییەکی زۆریان کردووین بۆ ئەوەی بگەینە ئاستێکی بەرزتر.”
ئهو یاریزانانهی بهشداری ناكهن
دیڵافوێنتی رایگهیاند، ههریهكه له یاریزانان، (دهیڤد رایا، زوبێمێندی، فابیان رویز، لامین یامال، نیكۆ ویلیامس، ڤیكتۆر مۆنۆز) بههۆكاری جیاواز بهشداری له یارییهكه ناكهن، بهڵام یاریزانهكانی دیكه گرنگن بۆ ئێمه و دهرفهتی یاریكردنیان پێدهدهین.
🧤 “TENGO CLARO mi PORTERO TITULAR… y casi el EQUIPO”.
🇪🇸 Luis de la Fuente, a menos de 2 semanas del inicio del Mundial.
🗣️ @Nacho_deAndres pic.twitter.com/DZy6alEQhl
— El Chiringuito TV (@elchiringuitotv) June 3, 2026
داهاتوویەکی گەش
لە کۆتایی قسەکانیدا، راهێنەری ئیسپانیا ستایشی ئاستی یاریزانە لاوەکانی کرد و گوتی:
“ئەم یاریزانانە بوونەتە هۆی باشترکردنی ئاستی گشتی تیمەکە و دەرفەتی ئەوەیان بۆ رەخساندووین کە کۆمەڵێک یاریزان ببینین کە داهاتوویەکی گەشیان لەپێشە.”
یارییەکەی سبەی نێوان ئیسپانیا و عێراق وەک تاقیکردنەوەیەکی جدی بۆ هەردوو لا دادەنرێت، بەتایبەت بۆ ئیسپانیا کە دەیەوێت پێش دەستپێکردنی یارییەکانی مۆندیال، دواین دەستکارییەکانی پێکهاتەکەی بکات.
