یاریگا –
سەرکەوتنی بارسێلۆنا بەسەر ریال مەدرید لە کلاسیکۆدا کاردانەوەی لە دەرەوەی ئیسپانیاش لێکەوتەوە و یەکێک لەوانەی زۆرترین قسەی لەسەر کرا لەلایەن لویس ئێنریکییەوە بوو.
راهێنەری ئێستای پاریس سانجێرمان بەگوێرەی راپۆرتەکان کەمێک دوای یارییەکە ئاگاداریی ئەنجامی کۆتایی کراوەتەوە و دڵخۆشی خۆی بە سەرکەوتنی بارسێلۆنا نەشاردووەتەوە. دوای بیستنی ئەنجامەکە، لویس ئێنریکی بە رستەیەکی کورت بەڵام پڕ لە گوزارشت کاردانەوەی هەبوو و گوتی: “تۆما!”
راهێنەرە ئیسپانییەکە، کە چێژی لە یەکێک لە سەرکەوتووترین قۆناخەکانی مێژووی ئەم دواییەی بارسێلۆنا بینیوە وەکوو یاریزان و راهێنەر، هەرگیز سۆزی خۆی بۆ یانە کاتالتوونییەکە نەشاردووەتەوە. کاردانەوەکەی بە خێرایی لەنێو تۆرە کۆمەڵایەتییەکاندا بڵاوبووەوە، کە تێیدا زۆرێک لە هاندەرانی بارسێلۆنا خۆشحاڵ بوون بە بینینی راهێنەری پێشوویان کە هێشتا لە رووی سۆزدارییەوە بە یانەکەوە بەستراوەتەوە.
🧐🇫🇷 La reacción de Luis Enrique cuando se ha enterado de la victoria del @FCBarcelona
🤣🔝 “¡Toma!”
📻 #PartidazoCOPEpic.twitter.com/ZOltvf7uHl
— El Partidazo de COPE (@partidazocope) May 10, 2026
سەرکەوتنی بارسێلۆنا بەسەر رکابەرە هەمیشەییەکەیدا هەنگاوێکی گرنگ بوو لە کێبڕکێی نازناوەکەدا کە توانیان بۆ دووەم وەرز بەدوای یەکدا نازناوەکە ببەنەوە و بەشێکی دیکەی مێژوویی بۆ ململانێی نێوان دوو زلهێزەکەی ئیسپانیا زیاد کرد. لەم نێوەندەدا، لویس ئێنریکێ بەردەوامە لە سەرنجخستنەسەر ئاواتەکانی پاریس سانجێرمان لە ئەوروپا، بەڵام کاردانەوە خۆرسکەکەی بۆ کلاسیکۆ نیشانیدا کە هەندێک پەیوەندی لەگەڵ بارسێلۆنا مەحاڵە بپچڕێن.
