بارسێلۆنا بە یەکسانبوون لالیگا دەباتەوە؛ بەڵام بە بردنەوە ریکۆردێکی ریال مەدرید یەکسان دەکاتەوە

یاریگا –

یانەی بارسێلۆنا نەوەکوو تەنیا بە بردنەوە بەرامبەر ریال مەدرید نازناوی لالیگا دەباتەوە، بەڵکوو یەکسانبوونیش بەسە.

سەرەڕای ئەوەش، بارسێلۆنا ئامانجێکی دیکەشی هەیە، ئەگەر سەرکەوتن بەدەستبهێنن، لە ژمارەی بردنەوەکانی کلاسیکۆ لە مێژوودا لەگەڵ ریال مەدرید یەکسان دەبنەوە. تاوەکوو ئەمڕۆ ریال مەدرید یەکجار زیاتر لە بارسێلۆنای بردووەتەوە (106 بردنەوە بۆ ریال مەدرید، 105 بردنەوە بۆ بارسێلۆنا). لە 52 بۆنەشدا، یارییەکانی کلاسیکۆ بە یەکسانبوون کۆتایی هاتووە.

لە نێوان ئەنجامەکانی ئەم دواییەدا، سێ یاریی کۆتایی کە تیمەکەی هانزی فلیک بردییەوە جێگەی سەرنجن. دوو نازناوی سوپەری ئیسپانیا (5-2 و 3-2) و یاریی کۆتایی جامی شای ئیسپانیا (3-2)، بە گۆڵێکی ژوول کوندێ لە کاتی زیادکراودا.

لە لایەکی دیکەوە، بارسێلۆنا لە رووی گۆڵەکانی کلاسیکۆوە کەمێک لە دواوەیە. بلاوگرانا 439 جار تۆڕی گۆڵیان هەژاندووە، لە کاتێکدا قەڵای سپی 444 گۆڵیان کردووە. لە 10 کلاسیکۆی کۆتاییدا، هەر تیمێک پێنج سەرکەوتنی بەدەستهێناوە. سەرەڕای ئەوەش، جیاوازی گۆڵەکان کەمێک لە بەرژەوەندی کاتالوونییەکانە: 24 گۆڵیان کردووە، لە بەرامبەردا ریال مەدرید 20 گۆڵی کردووە.