یاریگا –
نێیمار دا سیلڤا، دووبارە دەگەڕێتەوە نێو چەقی بایەخی میدیا جیهانییەکان؛ لە کاتێکدا هەمووان چاوەڕێی بڕیاری کارلۆ ئانچێلۆتی دەکەن بۆ بانگهێشتکردنی بۆ مۆندیال، دەنگۆی پەیوەندیکردنی بە یانەیەکی ئەفسانەیی ئەرجەنتینی جیهانی وەرزشی هەژاندووە.
گرێبەستی نێیمار لەگەڵ یانەی سانتۆس لە مانگی کانوونی یەکەمی داهاتوو کۆتایی دێت. بەگوێرەی رۆژنامەی Olé ـی ئەرجەنتینی، یانەی بۆکاجونیۆرز بە جیددی بیر لە گواستنەوەی ئەستێرە بەڕازیلییەکە دەکاتەوە و دەیەوێت پڕۆژەیەکی گەورە بۆ بردنەوەی جامی لیبەرتادۆرێس دروستبکات.
🚨 Neymar vers un transfert historique à Boca Juniors ? 👀
Libre en décembre après son passage à Santos, le Brésilien est la priorité absolue du club argentin pour accompagner Dybala et viser la Libertadores, selon @DiarioOle. Carlo Ancelotti prévient : la porte de la Seleção… pic.twitter.com/9PAsAld45i
— Foot Mercato (@footmercato) May 4, 2026
یانە ئەرجەنتینییەکە کە ئێستا کار لەسەر گواستنەوەی پاولۆ دیبالا دەکات، نێیمار وەکوو کێکی سەر خەرمانەکە دەبینێت. بوونی هاوڕێ کۆنەکانی نێیمار وەکوو پاریدێس و هێرێرا لە نێو بازنەی بۆکا، رەنگە هۆکارێکی بەهێز بن بۆ ئەوەی نێیمار بڕیارێکی مێژوویی بدات و روو لە ئەرجەنتین بکات.
