یاریگا –
یانەی بۆڕووسیا دۆرتموندی ئەڵمانی گورزێكی كوشندەی بە پێكانی نیكۆ شلۆتێربێک پێش یاریی بەرامبەر بارسێلۆنا بەركەوت.
وابڕیارە رۆژی چوارشەممە لە یاریی چوونی قۆناخی چارەگی كۆتایی خولی یانە پاڵەوانەكانی ئەوروپا بۆڕووسیا دۆرتموند و بارسێلۆنا رووبەرووی یەک ببنەوە.
هەژماری فەرمی بۆڕووسیا دۆرتموند لە پلاتفۆرمی ئێكس لە بەیاننامەیەكی فەرمیدا رایگەیاند ئەم وەرزە بۆ بەرگریكارە ئەڵمانییەكەیان كۆتاییهاتووە.
شلۆتێربێک لە ئەژنۆی چەپیدا تووشی پێكان بووە و تاوەكو كۆتایی وەرز لە یاریگاكان دووردەكەوێتەوە.
بەرگریكارە 25 ساڵانەكە لەم وەرزەدا 37 یاریی كردووە و توانیویەتی شەش گۆڵ درووست بكات.
