یاریگا –
ئەمڕۆ لە یەكەم یاریی یارییەكانی گەڕی 19ی پرێمەرلیگ لێستەر سیتی میوانداری مانچێستەر سیتی دەكات.
وا بڕیارە ئەمڕۆ یەكشەممە كاتژمێر 17:30 بەكاتی كوردستان لێستەر سیتی لە یاریگای كینگ پاوەری تایبەت بە خۆی میوانداری مانچێستەر سیتی بكات، لە میانی یارییەكانی گەڕی 19ی پرێمەرلیگ.
پڕۆفایلی یاری
مانچێستەر سیتی بریندار لە هەفتەیەكی نوێی یارییەكانی پرێمەرلیگ بەرامبەر تیمەكەی ڤان نێستێلرۆی یاریی دەكات.
سیازدە یاریی لەسەر یەكە لە سەرجەم پاڵەوانیەتیەكاندا تیمەكەی پێپ گواردیۆلا تەنیا یەك یاریی بردووەتەوە و سێ یاریش یەكسان بووە و نۆ یارییش دۆڕاوە.
مانچێستەر سیتی لەم وەرزەی پرێمەرلیگدا 18 یاریی كردووە و هەشت یاریی بردووەتەوە چوار یاریش یەكسان بووە و شەش یاریی دۆڕاوە.
بە كۆكردنەوەی 28 خاڵ لە ریزبەندی حەوتەمی پرێمەرلیگ دێت.
لەبەرامبەردا لێستەر سیتی لە 18 یاریدا سێ یارییان بردووەتەوە و پێنج یاریی یەكسان بوون و 10 یارییش دۆڕاون.
بە كۆكردنەوەی 14 خاڵ لە ریزبەندی 18 پرێمەرلیگ دێن.
هەواڵی پێكانی یاریزانەكان
ڤان نێستێلرۆی بە بێ ئێندیای، عەبدول فاتاو، ریكاردۆ پێرێرا یاریی دەكات هەروەها بەشداریكردنی فەیس، هێرمانسن و ڤاردی گومانی لەسەرە.
پێپ گواردیۆلا بەبێ ئۆسكار بۆب، رۆدری و دیاس بەرامبەر لێستەر سیتی یاریی دەكات.
پێکهاتەی پێشبینیکراوی لێستەر سیتی
هێرمانسن
كریستیانسن، ڤێستایۆر، كۆدی، جەستن
سۆمارێ، سكیپ
ماڤیدیدی، بۆنانۆت، ئایۆ
داكا
پێکهاتەی پێشبینیکراوی مانچێستەر سیتی
ئۆرتیگا
ڤاردێۆڵ، ئاكانجی، ئاكێ، لیویس
گوندۆگان، دۆكو، دی برۆین، فۆدن، بێرناردۆ
هالاند
