چارەنووسی جواو فێلیکس لە بارسا یەکلاییبووەوە
یانەیەکی پرێمەرلیگ بەتوندی داوای دەکات
یاریگا –
رۆژ دوای رۆژ پرسی مانەوەی جواو فێلیکس لە بارسێلۆنا ئاڵۆزدەبێت.
تاوەکو ئێستا چارەنووسی جواو فێلیکس، ئەستێرەی پۆرتوگالی لە ئاتلێیتکۆ مەدرید یەکلایینەبووەتەوە، هەرچەندە هەفتەی رابردوو، مەشقەکانی لەگەڵ یانەکەی مەدرید دەستپێکرد.
هیچ ئەگەرێک بۆ بەردەوامبوونی فێلیکس لەگەڵ بارسێلۆنا نەماوە، بە تایبەت دوای ئەوەی یاریزانە پۆرتوگالییەکە، بارسێلۆنا لە دیسکرپشنی خۆی لە پلاتفۆرمەکانی سۆشیاڵ میدیا سڕییەوە، سەرەڕای ئەوەی، بارسا بە ئاشکرای باسی هەوڵی هێشتنەوەی کردبوو.
پێشتر بێنفیکا هەوڵی گواستنەوەی یاریزانە پۆرتوگالییەکەیدا، بەڵام پێدەچێت ئاستۆن ڤیلا نزیکترین یانەبێت بۆ گواستنەوەی فێلیکس.
فابریزیۆ رۆمانۆ، رۆژنامەنووسی بەناوبانگی مێرکاتۆی یاریزانان بڵاویکردووەتەوە، ئاستۆن ڤیلا گرنگییەکی زۆری بە فێلیکس داوە، بەڵام تاوەکو ئێستا هیچ ئۆفەرێکی فەرمییان پێشکەشی ئاتلێتیکۆ نەکردووە.
ڤیلا جواوی دەوێت، هەفتەی رابردوو، گرنگیپێدانی یونای ئێمری ئاشکرابوو، بەڵام هیچ هەنگاوێکی فەرمی نەنراوە.
🟣🔵 There’s nothing done yet between Aston Villa and Atlético Madrid for João Félix despite reports.
Villa want João, Unai Emery’s pushing as revealed last week but there’s still no formal proposal to Atlético.
Strong interest, early stages. pic.twitter.com/NrWUr0qN7X
— Fabrizio Romano (@FabrizioRomano) July 27, 2024
بەرزی مووچەی لە ئاتلێتیکۆ یەکێکە لەو هۆکارانەی کە دیێگۆ سیمیۆنی دەیەوێت رێگە بە چوونە دەرەوەی ئەستێرە پۆرتوگالییەکە بدات. بەڵام ئەوەی یەکلاییبووەتەوە، فێلیکس بۆ وەرزی داهاتوو یاری بۆ بارسێلۆنا ناکات.
