ئۆلیس “بەڵێ”ی بۆ یانەیەکی گەورەی ئەرووپا کرد
یاریگا –
لە کۆتاییدا مایکل ئۆلیسی یاریزانی کریستاڵ پاڵاس لەنێو یانە خوازیارەکانیدا خۆی یەکلایی کردەوە و بڕیاری خۆی دا و دەچێتە دەرەوەی پرێمەرلیگ.
ئۆلیس کە ماوەیەکە بووەتە جێی سەرنجی زۆرێک لە یانەکان، بەتایبەت چێڵسی و نیوکاسڵ و بایرن میونشن، ئەوەی دواتریانی هەڵبژاردووە و بەگوێرەی زانیارییەکانی دەیڤد ئۆرنستین ئەو یاریزانە فەڕەنسیە بەڵێی بۆ باڤارییەکان کردووە.
🚨 EXCLUSIVE: Michael Olise has chosen to join Bayern Munich. #FCBayern among 3 clubs (+ Chelsea / Newcastle) to contact Crystal Palace last week & now expected to agree deal with #CPFC for 22yo winger, whose contract includes release clause @TheAthleticFC https://t.co/xy2LCR92kE
— David Ornstein (@David_Ornstein) June 21, 2024
دەیڤد نووسیویەتی کە هەفتەی رابردوو پەیوەندییان بە کریستاڵ پاڵاسەوە کردووە، بەڵام ئێستا دەرکەوتووە لەگەڵ بایرن رێککەوتوون بۆ یەکلاکردنەوەی گرێبەستی یاریزانە 22 ساڵانەکەی باڵی یاریگا.
ئەو رۆژنامەنووسە ئەوەشی ئاشکرا کردووە کە گرێبەستی یاریزانە 22 ساڵانەکە لەگەڵ پاڵاس مەرجی هەڵوەشاندنەوەی تێدایە و یانە ئەڵمانییەکەیش ئەو مەرجە جێبەجێ دەکات.
هاوینی رابردوو بوو مایکل بریاری دا رووبکاتە چێڵسی، بەڵام گرێبەستێکی چوار ساڵەی لەگەڵ یانەکەی واژۆکردەوە.
ئۆلیس وەرزی رابردوو بە تەواوەتی درەوشایەوە، بە جۆرێک لە تەنها 19 بەشداریکردندا توانی 10 گۆڵ بکات و 6 ئەسیستیشی هەبێت.
